(सागर थापा)
दाङ । जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले अपराधका नयाँ घटना मात्र नभई जिल्ला प्रहरी कार्यालय दाङमा रहेका अपराधका पूराना फाईल पनि खोतल्ने बताएका छन् ।
जिल्ला प्रहरी कार्यालय दाङ कार्य कक्षमा संचारकर्मीसंगको कुराकानीमा एसपी काफ्लेले नयाँ अपराध मात्र नभई यस अघि रहेका “पेन्दिङ्ग केसहरु पनि उत्तिकै प्राथमिकता दिने बताए । यसको साथै जिल्लामा बिभिन्न अपराध गरि अदालतले सजाय तोकिएका फरार अपराधीहरु पनि लिष्टमा रहेको बताए ।
यस अघि लामो समय प्रहरी प्रधान कार्यालय काठमाडौमा काम गरेको अनुभव रहेको बताए ।
अवैध कारोबार र जिल्लाको शान्ति सुरक्षा अपराध नियन्त्रण आफ्नो पहिलो प्राथमिकतामा रहेको एसपी काफ्लेले बताए ।
दाङको बसाईमा गर्नु पर्ने कामको कार्ययोजना नै बनाएर आएको बताए । “ऐन नियमको परिधिभित्र रहि प्रहरी मूख्यालयले तोकेको कार्ययोजना अनुसार काम गर्नेछु । काफ्लेले भने । यसका साथै कार्यालयमा सेवाग्रहीहरु एक्लै आएर पनि सेवा लिन सक्ने वातावरण तयार गर्ने उनले बताए ।
प्रहरी कहा आउने पिडित कुनै बिचौलियाको भर नपरी आफ्नो पिडा प्रहरीलाई निर्धक्क राख्न सक्ने वातावरण बनाउने र प्रहरी मेरो साथी भएको महशुश गराउने गरि काम गर्ने एसपी काफ्लेले बताए ।
