Logo

कोरोना संक्रमितलाई लक्षित गरि बाँकेमा एम्बुलेन्स सेवा

Samachar Rekhanews २८ बैशाख २०७८, मंगलवार २३:३० मा प्रकाशित

 बाँके वैशाख २८ गते ।
कोरोना संक्रमितलाई लक्षित गरि बाँकेमा एम्बुलेन्स सेवा सुरु भएको छ। युवा संघ नेपाल लुम्बिनी प्रदेश र युवा संघ नेपाल बाँकेले कोरोना संक्रमित बिरामिको लागि मंगलबार देखि नि:शुल्क एम्बुलेन्स संचालनमा ल्याएको हो ।

नेपालगन्जमा युवा संघ नेपाल लुम्बिनी प्रदेशका अध्यक्ष किशोर थापाले एम्बुलेन्सको चापी युवा संघ बाँकेका अध्यक्ष कुस्माखर बस्याललाई हस्तान्तरण गर्दै कोरोना संक्रमित बिरामिको लागि एम्बुलेन्स सेवाको सुरुवात गरेका छन् ।

बाँके कोरोना संक्रमणको दोस्रो लहरमा जुधिरहेको अवस्थामा युवा संघ नेपाल लुम्बिनी प्रदेश र बाँकेले एम्बुलेन्स संचालमा लिएर आएको र एम्बुलेन्स २४ सै घण्टा जिल्लाभरका ८ वटै स्थानिय तहका लागी संचालनमा आउने युवा संघ नेपाल लुम्बिनी प्रदेशका अध्यक्ष किशोर थापा बताउछन् ।

एम्बुलेन्स सेवा संगै बिरामी तथा बिरामिको आफन्तलाई मास्क तथा स्यानिटाइजरको समेत ब्यवस्था गरिने बताउछन् अध्यक्ष थापा ।युवा संघ नेपाल बाँके, युवा संघ नेपाल बैजनाथ गाउँकमिटीले कोरोना संक्रमणबाट मृत्युु भएकाहरुको शव ब्यवस्थापन र स्वाब संकलन तथा संक्रमितको उपचारमा सहयोग गर्दै आएको र मंगलबार देखी कोरोना संक्रमितलाई उपचारको लागि अस्पताल सम्म पुराउन एम्बुलेन्सको ब्यवस्थापन गर्दै संचालनमा ल्याएको युवा संघ नेपाल बाँकेका सचिव सुनिल रसाइली बताउछन् ।

युवा संघ नेपाल नेपालगन्ज नगरकमिटीको ब्यवस्थापनमा एम्बुलेन्स संचालनमा ल्याइएको युवासंघ बाँकेका अध्यक्ष कुस्माखर बस्यालले बताए ।

बाँके जिल्ला भरी कोरोना संक्रमित बोक्न एम्बुलेन्स २४ सै घण्टा संचालनमा आउने र त्यसको लागी बाकेका ८ वटै स्थानीय तहमा युवा संघका सम्पर्क ब्यक्तिलाई कुनै पनि बेला फोन गर्न सकिने एम्बुलेन्स संचालन र ब्यवस्थापनको जिम्मा लिएको युवा संघ नेपाल नेपालगन्ज नगर कमिटिका अध्यक्ष प्रवीण बिसिले बताए । एम्बुलेन्स सुभारम्भ कार्यक्रममा नेकपा एमाले बाँकेका अध्यक्ष अशोक कोईराला, नेकपा एमाले बाँकेका सचिव रत्न खत्री, युवा संघ नेपालका केन्द्रिय महासचिव दिपक जिएम, युवा संघ बाँकेका उपाध्यक्षद्वाय राजु तामाङ र मिलन शाह, युवा संघ बाँकेका सहसचिव कलामुद्दिन लगायतको उपस्थिति रहेको थियो ।

सम्पर्क ब्यक्ति

प्रवीण बि.सी. (नेपालगन्ज उपमहानगरपालिका) ९८५८०२५४८५

बिकास काउचा (खजुरा गाउँपालिका) ९८५८०३०४०४

केशव शर्मा (जानकी गाउँपालिका) ९८६६७१३७५०

प्रेम बिष्ट (बैजनाथ गाउँपालिका) ९८४८२३४८०६

दिपेन्द्र कुंवर (कोहलपुर नगरपालिका) ९८५८०४१३६५

गुरु बचन यादव (नरैनापुर गाउँपालिका) ९८६४९५७६०२

सरोज बिक्रम बिष्ट (राप्तिसोनारी गाउँपालिका) ९८५८०८०२४०

कैलाश किशोर मिश्र (डुडुवा गाउँपालिका) ९८६४९४५२८३


लोकप्रिय समाचार
ताजा समाचार

लोकप्रिय छुटाउनुभयो कि ?