Logo

कोहलपुर बसपार्कको मुख्यमन्त्री चौधरीद्वारा उद्घाटन।

Samachar Rekhanews २४ असार २०८०, आईतवार १५:३२ मा प्रकाशित

बाँके । बाँकेको कोहलपुरमा निर्माण गरिएको लामो दुरीको नयाँ बसपार्कको आईतबार उद्घाटन गरीएको छ । लुम्बिनी प्रदेशका मुख्यमन्त्री डिल्ली बहादुर चौधरीले एक कार्यक्रमकाबिच औपचारीक रुपमा बसपार्कको उद्घाटन गर्नुभएको छ ।
उद्घाटन कार्यक्रममा बोल्दै लुम्बिनी प्रदेशका मुख्य मन्त्री डिल्ली बहादुर चौधरीले लुम्बिनी , कर्णाली र सुदुर पश्चिम प्रदेशको मुख्यद्धारमा रहेको यो बस पार्क लुम्बिनी प्रदेशको गहनाको रुपमा रहेको बताउनु भएको छ । उहाँले समग्र कोहलपुर बिकासको लागि मुख्यमन्त्रीको नाताले कोहलपुर लाई बिकसित शहरको रुपमा स्थापीत गराउन आफू कहिकतै नचुक्ने बताउनु भएको छ।

३० करोड ६२ लाख ७ हजार ७०१ कुल लागतमा निर्माण गरीएको उक्त बसपार्क उद्घाटन भएसँगै साउनदेखी संचालनमा आउने कोहलपुर नगरपालिकाले जनाएको छ । बसपार्क निर्माणकालागि नगर विकास कोषले ६० प्रतिशत ऋण लगानी गरेको छ भने ४० प्रतिशत कोहलपुर नगरपालिका आफैँले लगानी गरेको छ । नगर विकास कोषलाई वार्षिक आठ प्रतिशत ब्याज रकम तिर्नेगरी २० वर्षका लागि कोषसँग ऋण सम्झौता गरिएको छ ।

२० वटा लामो दुरीका बस, २२ वटा मध्यम दुरीका सवारी साधन तथा गाडी र अटो सहित ७९ वटा छोटो दुरीका सवारी साधन अट्ने क्षमता रहेको बसपार्कमा ५९ वटा ब्यवसायीक सटर, तिन वटा ब्लकमा २७ वटा शौचालय (३ वटा अपाङ्गमैत्री), २४ वटा टिकट काउण्टर, ग्यारेज सहित २ वटा विद्युतिय चार्जिङ सेन्टर, प्रहरी शुरक्षा कक्ष, स्तनपान कक्ष र धुम्रपान कक्ष निर्माण गरीएको छ ।

पश्चिम नेपालकै सुविधा सम्पन्न भनिएको लामोदूरीको बसपार्कको समग्र व्यवस्थापनको जिम्मा बागेश्वरी यातायात व्यवसायी प्रालि कोहलपुरले लिएको छ । बागेश्वरी यातायात प्रालिले बसपार्क व्यवस्थापनसँगै प्रवेश, टिकट काउन्टर, शौचालय मर्मत सम्भार, ब्लक र पार्किङको व्यवस्थापनको जिम्मा लिएको छ । प्रालिले तीन वर्षसम्म बसपार्क व्यवस्थापन गर्न वार्षिक ७१ लाख ७७ हजार सात सय ७७ रुपैयाँ तिर्ने गरि ठेक्का लिएको हो ।
बसपार्कमा बस पार्किङ, टिकट काउन्टर सपिङ कम्प्लेक्स लगायतका संरचना छन् । बसपार्कमा तीनवटा प्लेटफर्म रहेको र बसपार्कभित्रै व्यावसायिक सटरसँगै, स्वास्थ्य चौकी, बैंक तथा सुरक्षा निकाय पनि रहने व्यवस्था मिलाईएको कोहलपुर नगरपालिकाका प्रमुख प्रशासकिय अधिकृत टिकाराम ढकालले जानकारी दिनु भएको छ।

बसपार्क उद्घाटन भएपनि बसपार्कको संरचनासँगै निर्माण गरीएको ४ तले टर्मिनल भवनको भने ठेक्का लाग्न सकेको छैन । टर्मिनल भवन ठेक्काका लागी पाँचौ पटक बोलपत्र आह्वान गरिएको र टेण्डर आह्वान गर्ने समय अझै बाँकी रहेको ढकालले बताउनु भएको छ ।

कार्यकममा नगर बिकास कोषका कार्यकारी निर्देशक कृष्ण प्रसाद सापकोटाले निधारित समयमा यो बस पार्क सम्पन्न भएकोले यस पालिका भित्र यस्ता ठुला खाले योजनामा सहयोग गर्ने प्रतिबद्धता समेत जनाउनु भएको छ।
यस्तै कार्यक्रममा लुम्बिनी प्रदेशका सासद दुर्गा बहादुर चौधरी , कृष्णा केसी नमुना , सन्जु थारु बसन्ती अधिकारी कोहलपुर नगरपालिकाका पुर्व नगरप्रमुख लुट बहादुर रावत लगायतको सहभागीता रहेको थियो ।

कोहलपुर बसपार्कको मुख्यमन्त्री चौधरीद्वारा उद्घाटन।

लोकप्रिय समाचार
ताजा समाचार
June 2024
S M T W T F S
 1
2345678
9101112131415
16171819202122
23242526272829
30  
लोकप्रिय छुटाउनुभयो कि ?