Logo

खजुरामा सय वटा खानेपानीका सय धारा जडान गरिएपछि खानेपानी समस्या समाधान

Samachar Rekhanews ६ भाद्र २०७९, सोमबार २२:५० मा प्रकाशित

नेपालगन्ज, भदौ ६ । खानेपानीको अभाव झेली रहेका खजुरा गाउँपालिकाका सर्वसाधारणका लागि बाँके युनेस्को क्लवले कतार च्यारिटीको सहयोगमा खानेपानी धारा जडान गरेर खानेपानीको समस्या समाधान गरेको छ ।
खजुरा गाउँपालिकाको वडा नम्बर २ र ३ मा खानेपानीको सबैभन्दा बढी समस्या रहेकोले सो समस्या समाधानका लागि क्लबे ती वडामा सय वटा खानेपानीको धारा जडान गरेर सो समस्या समाधान गरेको क्लबका प्रमुख संरक्षक प्रवेज अलि सिद्दिकीले बताउनुभयो । उहाँले खानेपानीको धारा जडान गर्न नसकेर समस्यामा रहेका सय विपन्न परिवारका लागि धारा जडान गरेर ६०० जना भन्दा बढीलाई प्रत्यक्ष लाभ पुरयाईएको बताउनुभयो ।
विपन्न र आवश्यकता भएका परिवारलाई खानेपानीबाट बन्चित हुन नपरोस भन्ने उदेश्यका साथ खजुरा गाउँपालिका वडा नम्बर २ र ३ मा करिब एकसय खानेपानीको धारा स्यालो ट्युव वेल परियोजना अन्तर्गत जडान गरिएको र अझै केही जडानको पक्रियामा रहेको कतार च्यारिटी नेपालका निर्देशक ईर्शाद अलि शेषले बताउनुभयो । उहाँले विपन्नलाई अति आवश्यक सहयोग कतार च्यारिटीले गर्दै आएको बताउनुभयो ।
खानेपानीको धारा स्यालो ट्युव वेल परियोजना अन्तर्गत घर नजिकै खानेपानीको धारा नभएका र धारा भएपनि निकै कम गहिराईमा जडान गरिएका धाराका पानी खान बाध्य भएका परिवारलाई आवश्यकता अनुसार धारा जडान गरिएको क्लबका अध्यक्ष रवि तुलाधरले बताउनुभयो ।
खजुरा गाउँपालिकाका अध्यक्ष डम्बर विक तुफानले धारा जडान भएपछि सयौं विपन्न परिवारलाई खानेपानीमा धेरै सहजता भएको जनाउँदै यो राम्रो कामका लागि कतार च्यारिटी र बाँके युनेस्को क्लबलाई आभार व्यक्त गर्नुभयो ।
्क्लबले बाँकेमा कतार च्यारिटीको सहयोगमा विपन्न र असहायका लागि विभिन्न परियोजना सञ्चालन गर्दै आएको छ ।


लोकप्रिय समाचार
ताजा समाचार
लोकप्रिय छुटाउनुभयो कि ?