Logo

छाेरिकाे जन्मदिनमा एम्बुलेन्स खरिदका लागी सहयाेग

Samachar Rekhanews ४ जेष्ठ २०७८, मंगलवार २२:३८ मा प्रकाशित

जेठ ४ गते ।
नेपाल पत्रकार महासंघ बाँके शाखाको एम्बुलेन्स खरिदका लागि स्टाफ नर्स झसिन्द्रा कसीले सहयोग गर्नुभएको छ ।

भेरी अस्पताल नेपालगन्जमा कार्यरत स्टाफ नर्स केसीले आफ्नो छोरी दिव्यांसी डाँगीको पहिलो जन्मदिनका अवसरमा उक्त सहयोग गर्नुभएको हो ।

महासंघको एम्बुलेन्स खरिदका लागि भन्दै स्टाफ नर्स केसीले मङ्गलबार पत्रकार कमल न्यौपानेमार्फत महासंघ बाँकेलाई ५ हजार ५ सय रुपैयाँ सहयोग रकम प्रदान गर्नुभयो ।

यसअघि पनि विभिन्न अवसरमा अनाथ बालबालिका, जेष्ठ नागरिक लगायत विविध क्षेत्रमा सहयोग गदै आउनुभएकी स्टाफ नर्स केसीले महासंघको उदाहरणीय कार्यलाई सहयोग गर्ने मनसायले उक्त रकम प्रदान गरेको बताउनुभयो ।

यस्तै महासंघ बाँकेको एम्बुलेन्स खरिद अभियानलाई समर्थन गर्दै ‘कोभिड हेल्फ सेल्फ समुह’ सुर्खेतले सहयोग गरेको छ । समुहका संयोजक सुदीप पुरीले उक्त रकम मङ्गलबार पत्रकार न्यौपानेमार्फत नगद १० हजार सहयोग गरेको हो ।

महासंघ बाँके शाखाको गत शुक्रबार सम्पन्न बैठकले एम्बुलेन्स खरिद गर्ने निर्णय गर्दै एम्बुलेन्स खरिदका लागि सार्वजनिक आह्वान गरेको थियो ।

महासंघको यस्तो आह्वानपछि यतिबेला स्वःस्फुर्त रुपमा सहयोग जुट्न थालेको छ । महासंघ बाँके शाखाले कोरोना महामारीलाई मध्यनजर राख्दै पत्रकार तथा आमनागरिकलाई सर्वसुलभ रुपमा सेवा प्रदान गर्न एम्बुलेन्स खरिद गर्न लागेको हो ।

एम्बुलेन्स खरिदका लागि विभिन्न ब्यक्ति, निकाय तथा संस्थाबाट स्वःस्फुर्त रुपमा सहयोग जुट्न थालेको महासंघ बाँकेका अध्यक्ष दामोदर भण्डारीले बताउनुभयो ।


लोकप्रिय समाचार
ताजा समाचार
June 2024
S M T W T F S
 1
2345678
9101112131415
16171819202122
23242526272829
30  
लोकप्रिय छुटाउनुभयो कि ?