Logo

जिल्ला अदालतविरुद्ध उच्च अदालत जाने केसीको भनाइ

Samachar Rekhanews ७ असार २०७८, सोमबार १०:०२ मा प्रकाशित

बाँके असार ७ गते ।
भेरी अस्पताल नेपालगन्जका चिकित्सक र स्टाफ नर्समाथि सांघातिक आक्रमण गर्नेलाई जिल्ला अदालत बाँकेले धरौटीमा रिहा गर्न दिएको आदेश विरुद्ध नर्सिङ संघ बाँकेले पुनरावेदन गर्ने तयारी गरेको छ ।

जिल्ला अदालतको आदेशले पीडितलाई न्याय दिन नसकेको भन्दै नर्सहरुको छाता संगठन नर्सिङ संघ बाँके उच्च अदालत जाने तयारी गरेको हो । नर्सिङ संघ बाँकेका अध्यक्ष लक्ष्मी केसीले आज कानुनी सल्लाहाकारहरुसँग परामर्श गरेर उच्च अदालतमा पुनरावेदन गर्ने बताउनुभयो ।

ज्यान मार्ने उद्देश्यका साथ अस्पतालका चिकित्सक र नर्समाथि आक्रमण गर्ने दोषीलाई जिल्ला अदालतले धरौटीमा रिहा गर्न दिनुले अदालतप्रतिको विश्वासमा शंका पैदा गरेको अध्यक्ष केसीको भनाइ छ ।

उहाँले सत्ता र शक्तिबाट अदालत प्रभावित भएको आंशका समेत व्यक्त गर्नुभयो ।गत जेठ १३ गते तुलसीपुर उपमहानगरपालिका वडा नम्बर ११ उरहरी दाङका ५४ वर्षीय डिल्लीबहादुर रावतको कोरोनाका कारण मृत्यु भएपछि आक्रोशित बनेका मृतकका भाई मानबहादुर रावत, भरत रावत र छोरा लोकराज रावतलले उपचारमा लापरबाही भएको भन्दै ड्यटीमा खटिएका चिकित्सक र नर्सहरूमाथि कुटपिट तथा अस्पतालमा तोडफोड गरेका थिए ।

त्यसैदिन पक्राउ परेका उनीहरुलाई ज्यान मार्ने उद्योगमा मुद्दा दर्ता गरिएको थियो । त्यही मुद्दामा जिल्ला अदालत बाँकेका न्यायाधीश श्यामसुन्दर अधिकारीको एकल ईजलासले उनीहरु तीनैजनालाई जनही ५०÷५० हजार धरौटी बुझाएर छाड्न हिंजो आदेश दिएको थियो ।

न्यायका लागि सर्वोच्चसम्म पुग्छौं ः कर्ण

चिकित्सक संघ भेरीले पनि जिल्ला अदालतको आदेश चित्त बुझ्दो नभएको बताएको छ । अस्पताल जस्तो संवेदनशिल क्षेत्रमा ड्यटीमा खटिएका चिकित्सक र नर्समाथि आक्रमण गर्नेहरु धरौटी बुझाएर छाड्न दिने आदेश न्यायोचित नभएको संघले बताएको छ ।

संघका अध्यक्ष डा विनोद कर्णले सामाजिक सञ्जाल फेसबुकमा न्यायका लागि सर्वोच्चसम्म पुग्ने चेतावनी दिनुभएको छ । उहाँले लेख्नुभएको छ–‘हामी सम्पुर्ण स्वास्थ्यकर्मी सम्मानित अदालतको पुर्ण सम्मान गर्छौ तर आरोपीले थुनछेक बहसमा अदालतसामु आबेगमा आएर घटना घटाएको र आवेगमै आएर नै सामाजिक सन्जालमा धम्की दिएको कबूल गर्दागर्दै पनि धरौटीमा रिहाइको आदेशले सम्पुर्ण चिकित्सक तथा स्वास्थ्यकर्मीहरुको मनोबल खसालेको छ ।

हामी आफ्नो मेडिकल इथिक्समा चट्टान झैँ अडिग छौं, हामी हाम्रो न्यायको लागि सर्बोच्च अदालत सम्म पुग्ने छौं ।


लोकप्रिय समाचार
ताजा समाचार
April 2024
S M T W T F S
 123456
78910111213
14151617181920
21222324252627
282930  
लोकप्रिय छुटाउनुभयो कि ?