Logo

दादुरा रुबेला संक्रमण देखिए पछि बर्दियाको बढैयतालमा आईतबार देखि खोप लगाईने

Samachar Rekhanews २१ माघ २०७९, शनिबार १४:१३ मा प्रकाशित

बर्दिया । बाँकेमा फैलिएको दादुर संक्रमण नियन्त्रणमा आउन नपाउदै बर्दियामा दादुरा रुवेला संक्रमण देखिए पछि खोप सुरु गर्न लागिएको हो ।
केही दिनदेखि दादुराका लक्षण देखिएका बालबालिका र युवाहरूको परीक्षण गर्दा बर्दियामा मात्रै ७ जनामा संक्रमण पुष्टि भएको हो । जसमा बारबर्दिया नगरपालिकामा १, राजापुर नगरपालिकामा १, गुलरिया नगरपालिकामा १ र बढैयाताल गाँउपालिकामा ४ जनामा दादुरा देखिएको स्वास्थ्य कार्यालय बर्दियाका प्रमख गोकर्ण गिरीले जानकारी दिनु भयो ।
नेपालगंजबाट बर्दिया आएका बालकहरुमा दादुरा पुष्टि भएको जिल्ला स्वास्थ्य कार्यालय बर्दियाका प्रमुख गिरीले बताउनु भयो । उहाँले भन्नुभयो, ‘स्वास्थ्यकर्मीहरुको प्रत्यक्ष निगरानीमा होम आईसोलेसनमा राखे संक्रमितहरुको उपचार भई रहेको छ भने आईतबारबाट बढैयतालको १ र २ वडामा खोप संचालन गरिने छ । ’
एकलाई संक्रमण भए थुक, खकार, सिंगान आदिको सम्पर्कमा आउने रोगप्रतिरोधी क्षमता कम भएका बच्चालाई यो सर्न सक्छ । अहिले बर्दियामा भयावह अवस्था नआइसकेको भए पनि उच्च सावधानी अपनाइएको बताउदै प्रमुख गिरीले विश्व स्वास्थ्य संगठनका चिकित्सक तृप्ति रमन पाल लगायतका स्वास्थ्यकर्मीको टोलीले दादुर रुबेला नियन्त्रणका लागि स्वास्थ्यकर्मी र जनप्रतिनिहरुलाई अनुशिक्षण गरेको बताउनु भयो । जनस्वास्थ्य कार्यालय बर्दिया र विश्व स्वास्थ्य संगठनको संयुक्त प्रयासमा दादुर रुबेला नियन्त्रण गर्ने प्रयास भई रहेको प्रमुख गिरीले जानकारी दिनु भयो ।
बढैयाताल गाँउपालिकाका प्रमुख प्रशासकिय अधिकृत दानबहादुर एडीका अनुसार बढैयातालको वडा नं. १, २ र ७ मा दादुर रुबेला संक्रमित देखिएको बताउदै उहाँले भन्नुभयो, दादुराबाट बालबालिकालाई बचाउन खोप तालिका अनुसार खोप लगाउन जरुरी छ । ‘दादुरा एकदमै संक्रामक छ । खोपले धेरै हदसम्म सुरक्षा दिन्छ । खोप नलगाएकाहरु सबै जोखिममा हुन्छन् । साना बच्चाहरु तथा गर्भवती महिलालाई थप जटिल बनाउन सक्ने भएको अनिवार्य खोप लगाउन अपिल गर्नु भयो ।


लोकप्रिय समाचार
ताजा समाचार
April 2024
S M T W T F S
 123456
78910111213
14151617181920
21222324252627
282930  
लोकप्रिय छुटाउनुभयो कि ?