Logo

बाँके युनेस्कोद्धारा अनुगमन, मूल्याङ्कन र दस्तावेजीकरण तालिम आयोजना

Samachar Rekhanews २७ मंसिर २०७९, मंगलवार १३:५९ मा प्रकाशित

नेपालगञ्ज, मंंसिर २७ । बाँके युनेस्को क्लबले आफ्ना कार्यसमितका पदाधिकारी र सदस्य लगायतका लागि अनुगमन, मूल्याङ्कन र दस्तावेजीकरणसम्बन्धी २ दिने तालिमको आयोजना गरेको छ ।
क्लबले प्लान इन्टरनेशनल नेपालसँगको साझेदारीमा सञ्चालन गरिरहेको बाल विवाह, छिटो विवाह र जबरजस्ती विवाह रोकथाम परियोजना अन्तर्गत संस्थाको कार्यसमितिलाई अनुगमन, मूल्याङ्कन र दस्तावेजीकरणमा सहजता प्रदान गर्ने उदेश्यले २ दिने तालिम सञ्चालन गरेको हो ।
यो तालिमले कार्यसमितका सबै पदाधिकारी र बोर्ड सदस्यहरुको अनुगमन, मूल्याङ्कन र दस्तावेजीकरणसम्बन्धी क्षमता बृद्धि हुने भएकोले यो तालिम निकै महत्वपुर्ण रहेको क्लबका प्रमुख संरक्षक प्रवेज अलि सिद्दिकीले बताउनुभयो ।
क्लबका अध्यक्ष रवि कुमार तुलाधरका अनुसार यस तालिमको उद्देश्य संस्थाका कार्यकारी सदस्यहरू र वरिष्ठ अधिकारीहरूको क्षमता अभिवृद्धि गरेर उनीहरूलाई योजनाबद्ध र प्रभावकारी रूपमा आवधिक रूपमा आयोजनाहरूको अनुगमन र मूल्याङ्कन गर्न र कार्यान्वयन गरिएका गतिविधिहरूको प्राप्त नतिजा सहित परियोजनाको सफलता र असफलताको मूल्याङ्कन गर्न सक्षम बनाउनु हो ।
सो तालिमको सहजिकरण प्लान इन्टरनेशनल नेपालका मोनिटरिङ इभ्यालुएसन रिसर्च एण्ड लर्निङ अधिकृत हसरत अलिले गरिरहनु भएको छ ।
तालिममा सहभागीहरूले उत्साहजनक सहभागिता जनाएको विषय बस्तुमा केन्द्रित रहेर व्यापक छलफल, समूह कार्य र प्रस्तुतीकरण गरेको तालिमका सहजकर्ता अलिले बताउनुभयो ।
तालिमममा क्लबका विभिन्न वरिष्ठ कर्मचारीहरुको पनि सहभागिता रहेको छ ।


लोकप्रिय समाचार
ताजा समाचार
June 2024
S M T W T F S
 1
2345678
9101112131415
16171819202122
23242526272829
30  
लोकप्रिय छुटाउनुभयो कि ?