Logo

बासगढीमा बालविवाह विरुद्ध र्याली र सभाको आयोजना, मेयर पनि सक्रिया

Samachar Rekhanews ६ आश्विन २०७८, बुधबार १९:५२ मा प्रकाशित

सुबाश गुप्ता असोज ६
बर्दियाको बासगढी नगरपालिकाका मेयर शालिकराम अधिकारी अहिले बालविवाह विरुद्धको अभियानमा आफै निरन्तर सक्रिय हुनुहुन्छ ।
उहाँले आफ्नो पालिकाका कसैले पनि वालविवाह नगरोस र बालबालिकाको अधिकार पनि हनन् नहोस् भन्ने उदेश्यले आफु स्वयम दिनरात खटिएको बताउनु हुन्छ ।

हुन त स्थानीय सरकारका प्रमुखको नाताले उहाँलाई आफ्नो पालिकाको सबै काममा खटिनुपर्छ । तर, पनि बालविवाह रोकथाम र नियन्त्रणका लागि उहाँले विशेष ध्यान दिनु भएको अन्य जनप्रतिनिधिहरुले पनि बताउँदै आएका छन् ।

बाँके युनेस्को क्लबले प्लान इन्टरनेसनल नेपालको सहयोगमा बासगढीसहित बर्दिया जिल्लाका चारवटा पालिकामा ‘बालविवाह, कम उमेरमा गर्ने विवाह र जबरजस्ती गर्ने विवाह रोकथाम परियोजना’ सञ्चालन गरिरहेको छ ।
सो परियोजनाले आयोजना गरेका हरेकजसो कार्यक्रम र गतिविधिमा मेयर अधिकारी आफै सक्रियतापुर्वक लाग्दै आउनु भएको बाँके युनेस्को क्लबका संरक्षक प्रवेज अली सिद्दिकीले बताउनुभयो ।

उहाँले मेयर अधिकारीको सहयोग र सक्रियताले गर्दा आफुहरुलाई उत्साहित बनाएको बताउनुभयो ।
बालविवाह विरुद्धको अभियान अन्तर्गत क्लबले बासगढी नगरपालिकाको वडा नम्बर ६ मा बृहत्त सेचतना रयालीको आयोजना गर्यो । सो वडाको नौ वटा टोलबाट बालविवाह विरुद्ध नाराहरु लगाउँदै निस्किएका नौ वटै र्यालीले वडाको परिक्रमा गरेर वडा कार्यालयमा पुगेर कोणसभामा परिणत भए ।

सो सभालाई सम्बोधन गर्दै मेयर अधिकारीले २० वर्ष अगाडी विवाह गर्नु सामाजिक अपराध भएको बताउँदै कसैले पनि सो नगर्न र कसैैलाई पनि गर्न नदिन त्यहाँ रहेकाहरुबाट प्रतिवद्धता लिनुभयो ।

उहाँले सो अवसरमा बालविवाहले पर्ने स्वास्थ्य समस्या लगायत अन्य समस्याहरुका बारेमा पनि प्रष्ट पार्नुभएको थियो ।
सो कार्यक्रम वडा नम्बर ६ का वडा अध्यक्ष दशरथ थारुको अध्यक्षतामा सम्पन्न भएको थियो ।

र्याली र सभामा बाल क्लबका सदस्य र पदाधिकारी, विभिन्न संजाल, महिला, युवा, बरघर, धार्मिक गुरु, बालबालिका, जनप्रतिनिधि, प्रहरी, शिक्षक र कर्मचारी लगायत गरेर तीनसय जनाको सहभागिता रहेको परियोजनाका संयोजक बसन्त विसीले बताउनुभयो ।


लोकप्रिय समाचार
ताजा समाचार
April 2024
S M T W T F S
 123456
78910111213
14151617181920
21222324252627
282930  
लोकप्रिय छुटाउनुभयो कि ?