साहिल शेष
नेपालगन्ज – १०, चैत्र
नवनिर्वाचित पदाधिकारीहरूको शपथ ग्रहण कार्यक्रम आज एक कार्यक्रमका बीच सम्पन्न भएको छ । श्री माध्यमिक विद्यालय जोगागाउँ विद्यालय व्यवस्थापन समितिले बिहीबार आयोजना गरेको शपथ ग्रहण कार्यक्रम सम्पन्न भएको हो ।
सपथ ग्रहण कार्यक्रममा नवनिर्वाचित अध्यक्ष रज्जब अली हलवाईलाई विद्यालयका प्रधानाध्यापक मो. आलमीन राईले बिहिवार दिन एक कार्यक्रमका बीच सपथ खुवाएका हुन् ।
त्यस्तै पुनः नवनिर्वाचित अध्यक्ष रज्जब अली हलवाईले अन्य पदाधिकारी तथा सदस्यहरूलाई सपथ खुवाएका छन् । सपथ ग्रहणपछि नवनिर्वाचित पदाधिकारीहरुले विद्यालयमा पदभार समेत सम्हालेका विद्यालय प्रशासनले जनाएको छ ।
सपथ ग्रहण कार्यक्रममा बोल्दै विद्यालय व्यवस्थापन समितिको नवनियुक्त अध्यक्ष हलवाईले तोकिएको जिम्मेवारी इमान्दारी र निष्ठापूर्वक सम्पादन गर्ने कुरामा सबैलाई विश्वास दिलाएका छन ।
नवनिर्वाचित सपथ ग्रहण कार्यक्रममा सदस्य शिक्षक प्रतिनिधि निरजकुमार मिश्रा, वडअध्यक्ष चन्द्रीकाप्रसाद गुप्ता, सदस्य सचिव प्रअ. मो.आलमीन राई, सदस्य रामबरन वर्मा, नक्छेद धोबी, महिला सदस्य बिन्दु रैदास, गंगा गोडिया र लज्जावती काँदुले शपथ लिएका थिए ।
शपथ ग्रहण लगत्तै नवनिर्वाचित पदाधिकारीहरूलाई विद्यालयका शिक्षकहरुले स्वागत गरेका थिए भने सपथ ग्रहण पश्चात् लेखापाल अनिल कुमार पथिकले पदाधिकारीहरूलाई टीका ग्रहण गरेका थिए ।
कार्यक्रममा शिक्षक अभिभावक संघका अध्यक्ष रामबहादुर रैदास , सदस्य तिर्थराम कुर्मी, शिक्षक अभिभावक संघकी महिला सदस्य शमसुला बागवान , जलवर्षी काँदु , वडा प्रतिनिधि अम्बर बहादुर मगर, अभिभावक रानीदेवी काँदु , शिक्षकहरु जितबहादुर वर्मा, मिना नाथ, हनिफ जोलाह र कृष्णा अचार्य लगायतको उपस्थिति रहेको थियो ।
