Logo

वडा बाट सामाजिक सुरक्षा भत्ता वितरण

Samachar Rekhanews १८ जेष्ठ २०८१, शुक्रबार १२:२८ मा प्रकाशित

नेपालगन्ज —नेपालगन्ज उपमहानगरपालिकाले वडाबाटै सामाजिक सुरक्षा भत्ता वितरण सुरु गरेको छ । राष्ट्रिय वाणिज्य बैंक नेपालगन्ज शाखाले वडा कार्यालयमै पुगेर भत्ता वितरण गर्न थालेपछि स्थानीय खुसी भएका छन् । उपमहानगर- २२ बाट सामाजिक सुरक्षा भत्ता वितरण सुरु गरिएको हो ।
वडाबाटै भत्ता वितरण सुरु भएपछि आफूलाई निकै राहत मिलेको र बैंकमा दिनभर लाइन बस्नुपर्ने बाध्यता हटेको ८५ वर्षीय हस्मात अलीले बताए ।
सामाजिक सुरक्षा भत्ता वितरण कार्यको अवलोकन गर्न वडा नम्बर २२ को कार्यालय पुगेका नगर प्रमुख प्रशान्त विष्टले ज्येष्ठ नागरिक र अपांगता भएकाहरूलाई बैंकमा घण्टौँ लाइन बस्नुपर्ने अवस्थाको अन्त्य गर्न वडाबाटै सामाजिक सुरक्षा भत्ता वितरण सुरु गरिएको बताए ।
उपप्रमुख कमरुद्दिन राईले जनताको सहजताका लागि वडाबाटै सामाजिक सुरक्षा भत्ता वितरण गरेपछि नागरिकको अनुहारमा खुसी देख्दा आफूहरूलाई थप खुसी मिलेको बताए ।
राष्ट्रिय वाणिज्य बैंक नेपालगन्ज शाखाका सहायक प्रबन्धक अनूप न्यौपानेले वडा नम्बर २२ का ३ सय ७८ जनालाई सामाजिक सुरक्षा भत्ता वितरण गरिने बताए । बैंकले अहिलेसम्म उपमहानगररको १४ वटै वडामा पुगेर भत्ता वितरण गर्ने गरी नेपालगन्ज उपमहानगरपालिकासँग सहकार्य गरिएको जनाएको छ ।


लोकप्रिय समाचार
ताजा समाचार
June 2024
S M T W T F S
 1
2345678
9101112131415
16171819202122
23242526272829
30  
लोकप्रिय छुटाउनुभयो कि ?