Logo

शान्ति र सदभावको सन्देश दिदै नरैनापुरका अध्यक्ष शाहको अगुवाईमा मुर्ति बिसर्जन

Samachar Rekhanews २० आश्विन २०७९, बिहीबार १८:४१ मा प्रकाशित

बाँके २० असोज । बडा दशैको अवसरमा हिन्दू धर्मावलम्बीले नवदुर्गा भवानीको मूर्ति राखेर नौ दिनसम्म पूजाआजा गरिएको मूर्ति बर्षाका कारण बुधबार विसर्जन गर्न नसके पछि बिहिबार विसर्जन गरिएको छ ।
तराई क्षेत्रमा दुर्गापुजा गर्ने प्रचलन छ । बाँके जिल्लामा दुर्गा पुजा गरेका मुर्तिहरु पायक पर्ने खोला र नदिमा भत्तजनहरु सेलाउन जाने गरेका छन् ।
मुर्तिलाई शान्ति, सदभावका साथ विर्सजन गर्न नरैनापुर गाउँपालिकाका अध्यक्ष इस्तीयक अहमद शाहले नरैनापुरका धर्मगुरुहरुसँग बृहत छलफल गरी बिहिबार भव्य रुपमा विर्सजन गरिएको छ । त्यसै गरि शान्ति सु–ब्यवस्थाको लागि इलाका प्रहरी कार्यालय भागवानपुरका प्रहरी निरिक्षक बिर बहादुर सुनारको टोली र सशस्त्र प्रहरीहरुको समन्वयमा मूर्ति विर्सजन गरिएको हो ।
संम्भावित दुुर्घटनालाई मध्यनजर राखेर नरैनापुर गाँउपालिकाले द्रुत स्वास्थ्य सेवाको लागि एम्बुलेन्स तयार अवस्थामा राखेको थियो । त्यसै गरि मूर्ति विर्सजन कार्यक्रममा गाँउपालिका अध्यक्ष संगै नरैनापुर गाउँपालिका वडा नं. २ का वडा अध्यक्ष मसुद अहमद शाह र वडा नं.४ का वडा अध्यक्ष मनोज शर्मा, वडा नं. ३ का अध्यक्ष अजय मिश्रा र ६ का अध्यक्ष प्रेम मोर्यको पनि सहभागिता रहेको थियो । नरैनापुरको विभिन्न वडाबाट निकालीएको मूर्ति राप्ती नदीमा लगि विर्सजन गरिएको थियो ।
नरैनापुरको मुर्ति बिसर्जन एकदमै शान्त वातावरणमा सम्पन्न भएको गाउँपालिका अध्यक्ष शाहले बताउनु भयो । निरन्तर परेको वर्षाका बिच पनि स्थान्ीयहरुको उल्लासमय सहभागितामा ६ वटै वडाका मुर्ति बिसर्जन गरिएको अध्यक्ष शाहले जानकारी दिनु भयो ।
मुर्ति बिसर्जनमा १ सय बढी सवारीसाधन प्रयोग गरिएको थियो भने मुर्ति बिसर्जन नरैनापुर ४ हुलासपुरस्थित राप्ती नदीमा गरिएको वडा नं. ६ का अध्यक्ष प्रेम मौर्यले बताउनु भयो ।


लोकप्रिय समाचार
ताजा समाचार

लोकप्रिय छुटाउनुभयो कि ?