Logo

समयमा सडक नबन्दा स्थानीयलाई सास्ती

Samachar Rekhanews १६ असार २०८०, शनिबार १९:३२ मा प्रकाशित

१६ असार, नेपालगञ्ज । नेपालगञ्ज उपमहानगरपालिका वार्ड नं.–६ फुल्टेक्रास्थित निमार्णाधिन कच्ची सडकलाई समयमा नबनाउँदा स्थानीयलाई सास्ती भएको छ ।
वडा कार्यालयदेखि राजभवन पछाडी करिब आठ सय मिटर कच्ची सडकमा माटो पटान गरेको एक महिनाभन्दा बढी भइसक्दा पनि ग्राभेल नहाल्दा वर्षाको समयमा पानी परेर स्थानीयलाई आवतजावतमा निकै समस्या भएको छ ।
शनिवार विहानैदेखि भएको वर्षाले कच्ची माटो गलेर सडक हिलाम्य भएपछि पैदल, मोटरसाईकल तथा अन्य सवारी साधनलाई आवतजावतमा समस्या भएको छ ।
वर्षाको समयमा सडक निर्माण नभएपछि विशेष गरि विद्यालय जाने बालबालिका र पैदलयात्रीलाई निकै सास्ती भएको स्थानीय युवा देवनन्द यादव बताउँछन् । उनी भन्छन्, ‘वर्षाले सडक हिलाम्य छ, बालबालिकाले विद्यालय जान पाएका छैनन, बच्चाहरुको जुत्ता नै हिलो र पानीमा भिज्ने गरेको अवस्था छ ।’
वर्षामा पानी र हिलोको समस्या र पानी नपर्दाको अवस्थामा धुलोको समस्याले महिनौदेखि स्थानीयले हैरानी व्यहोरेका छन् ।
संघिय शहरी विकास तथा भवन निमार्ण कार्यालय नेपालगञ्जको सहकार्यमा भट्टराई निर्माण कन्स्ट्रक्सनले निर्माणको ठेक्का लिएको छ । ठेक्का लिएको लामो समय भइसक्दा पनि समयमा निर्माण नगरेपछि स्थानीयलाई समस्या भएको हो ।
सडक निर्माण गर्दा शुरुमा नाला निर्माण नगरि सिधै माटो पटान गरेपछि सडकखण्डमा पर्ने अधिकाँस घरबाट निस्कने पानी थुनिएको छ । बिना नालाको सडक बनाउदा पानी बगाउने समस्या भएको स्थानीय रामसमुझ साह बताउँछन् ।
सडक निर्माण ढिलाईबारे संघिय शहरी विकास कार्यालयका प्रमुख विजय खनाल र निर्माण कम्पनीका प्रमुखलाई सोध्दा निर्माणमा ढिलाई भएको स्वीकारे । ठेकेदार र संघिय शहरी विकास कार्यालयको चरम लापरवाहीका कारण सडक निर्माणमा ढिलाई भएकाले सरोकारवाला निकायको ध्यान केन्द्रित हुन आवश्यक देखिन्छ ।


लोकप्रिय समाचार
ताजा समाचार
June 2024
S M T W T F S
 1
2345678
9101112131415
16171819202122
23242526272829
30  
लोकप्रिय छुटाउनुभयो कि ?