सरला सुवेदी
कोहलपुर । नेकपा एमाले कोहलपुर निर्वाचन प्रचारप्रसार कमिटिले नगरभित्रका विभिन्न वडामा बृहत प्रर्दशन तथा घरदैलो कार्यक्रम गरेको छ ।
यही बैशाख ३० हुन गईरहेको निर्वाचनलाई लक्षित गर्दै नेकपा एमालेले प्रर्दशन गरेको हो ।
मङ्गलबार राती १२ बजेपछी मौन अबधी सुरु हुनेभए पछि चुनावी अभियानलाई तिब्रता दिन र्याली निकालिएको हो। र्याली पछि वडा नम्बर २,३,६,८,१२,१३,१४ र १५ मा कोणसभालाई सम्बोधन गर्दै एमाले प्रदेश कमिटी सदस्य बसन्ती अधिकारीले एमालेको बिजय भैइसकेको अब घोषणा गर्न बाँकी रहेको बताउदै यस अघिको निर्वाचनमा कोहलपुरमा बहुमतले जितेको र आगामी चुनावमा विजय प्राप्त गरेर बाँकी कामहरुलाई अगाडी बढाउनु पर्नेमा जोड दिइन ।
कार्यक्रममा बोल्दै मेयर पदका उम्मेदवार खिल प्रसाद भुषालले आफुले जितेपछि कोहलपुर नगरपालिकाका सम्पुर्ण वडाहरुमा विकास र परिर्वतनको लहर ल्याउने बताउदै पुन: एकपटक नेकपा एमालेलाई जिताउन आग्रह गरे ।
