काठमाडौं । जेनजी आन्दोलनका क्रममा कारागारबाट फरार भएका भुटानी शरणार्थी प्रकरणका मुख्य अभियुक्तद्वय केशव प्रसाद दुलाल र सानु भण्डारीलाई प्रहरीले पक्राउ गरेको छ । एआईजी दानबहादुर कार्कीले काठमाडौं उपत्यका प्रहरी कार्यालय प्रमुखको जिम्मेवारी सम्हाले लगत्तै काठमाडौं कारागारहरूबाट फरार भएका कैदी बन्दीहरूलाई खोजतलास गरी पक्राउ गर्न विशेष अभियान चलाएका थिए । सोही अभियान अन्तर्गत प्रहरी टोलीले भुटानी शरणार्थी प्रकरणका मुख्य नाइकेद्वय दुलाल र भण्डारीलाई पक्राउ गरेको हो ।
यसअघि, कार्की काठमाडौं प्रहरी परिसरको प्रमुख रहेका बेला भुटानी शरणार्थी प्रकरणमा दुलाल र भण्डारीसहितका अभियुक्तहरूलाई छानविन गरी अदालतमा मुद्दा चलाएका थिए । संयोग नै मान्नुपर्छ कार्की एआईजी बनेर काठमाडौं उपत्यका प्रहरी कार्यालय रानीपोखरीको जिम्मेवारी सम्हाले लगत्तै दुलाल र भण्डारी पक्राउ परेका हुन ।
कारागारबाट फरार भएका भुटानी शरणार्थी प्रकरणका अर्का अभियुक्त तत्कालीन गृहसचिव टेकनारायण पाण्डेको पनि खोजतलास जारी रहेको छ । पाण्डेलाई पनि उपत्यका प्रहरीले छिट्टै पक्राउ गरी कारागात पठाउने तयारी गरेको छ लाली गुरास डट कम ।
With color forecast and casino games, daman games in login Daman Games offers a refined gambling experience. Effecfive UPI obligations, but adverse player odds. In India, there are legitimate ambiguities regarding Curzcao licenses. Simply employment, not income.