१ फागुन, नेपालगन्ज । इस्लाम धर्मावलम्बीहरुको महान पर्व शबेबरात विविध धार्मिक कार्यक्रम गरि आज मनाइँदै छ ।
यो पर्व संसारबाट विदा भई स्वर्गीय भएकाहरुको स्मरण र उहाँहरुको आत्माको शान्तिको लागि मनाउने गरिएको छ ।
शबेबरात पर्वको अवसरमा यहाँ नेपालगन्जमा विभिन्न मस्जिदमा आज सामुहिक प्रार्थना सभाको आयोजन हुँदैछ । साथै अबेर राती इस्लाम धर्मावलम्बीहरुले कब्रस्तानमा पुगी स्वर्गीय भएका आफ्ना आफन्तहरुको आत्माको शान्तिको लागि प्रार्थना गर्ने भएका छन् ।
पर्वको अवसरमा घर–घरमा मिष्ठान्न र विभिन्न परिकार पकाई एक अर्काको घरमा बाँड्ने गरिन्छ ।
मुस्लिम धर्महरु को महान पर्व आज बिहीवार शबे बरअतमा गरिने ७ इबादतहरु :
(१) मगरिब पछि गुसल गर्ने : शबे बरातको राति मगरिबको नमाज पछि ७ ओटा बेरको पातलाइ हल्का पानीमा तताएर त्यहि पानी बाट गुसल गर्नुस् । रिवायत हरुमा आएको छ जस्ले यो अमल गर्छ त्यो व्यक्ति पुरा बर्ष जादु टोना बाट बच्ने छ ।(इस्लामि जिन्दगि पा १६५)
नोट : घरको हरेक सदस्यको लागि अलग अलग ७-७ ओटा बेरको पात हाल्नु होला ।
(२) मगरिब पछि ६ रकात नफल पढ्ने
पहिलो २ रकअतको नियत यसरी गर्नुस् 'ए अल्लाह ! यो दुई रकअत नमाज को बरकत बाट मलाई इज्जत वाला लामो आयु प्रदान गर्नुहोस् '
दोस्रो २ रकअत मा यसरी नियत गर्नुस् 'ए अल्लाह ! यो दुई रकअत नमाज को बरकत बाट मलाई आउने आपत दु:ख बाट रक्षा गर्नुहोस् '
तेस्रो २ रकअत मा यसरी निय्यत गर्नुस् 'ए अल्लाह ! यो दुई रक्अत नमाज को बरकत बाट मलाई तपाईं भन्दा अरु माथि निर्भर नबनाउनुस् अर्थात मलाई केबल तपाईं को भर पर्ने वाला बनाउनुहोस्'
उल्लेखित ६ रकअत मा सुरह फातिहा पछी जुनै पनि सुरह पढ्न सकिन्छ तर हरेक रक्अत मा सुरत फातिहा पछी तीन -तीन पटक सुरतुल इख्लास सरीफ पढ्नु राम्रो हो । हरेक २ रकअत पछी २१ पटक सुरतुल इख्लास वा १ पटक यासिन शरीफ पढ्नुहोस् वा सकेसम्म दुबै पढ्नुहोस् या एक जना ले यासिन सरीफ तिलावत गरेर अरु ले सुन्दा पनि हुन्छ ।
हरेक पटक यासिन सरीफ पछी "नीस्फे शबान "को दुवा पनि पढ्नुहोस ।
(३) कबरहरुमा जानू
उम्मुल मुअमिनिन आमा आइशा सिद्दिका रदि अल्लाहु अन्हुले भन्नुहुन्छ : एक रात मैले अल्लाहको नबी सल्लल्लल्लाहु अलैही वसल्लमलाई देखिन तब मैले वहाँलाई बकिअ(कबरिस्तान) मा पाए । अल्लाहको नबिले मलाइ भन्नू भयो : "के तिमिलाइ यो कुराको डर थियो क्क अल्लाह र उस्को रसुल तिम्रो हकलाई छोढ्नु हुनेछ ? मैले उत्तर दिए : ए अल्लहको रसुल सल्लल्लाहु अलैही वसल्लम ! मैले सोचेको थिए कि सायद हजुर कुनै अरु अज्वाज(श्रीमती) संग हुन्हुन्छ । तब अल्लाहको पृय रसुलले भन्नू भयो :" निश्चित रुपमा ! अल्लाह शाबानको १५ औ रातमा यश संसार माथी नजर गर्नु हुन्छ र यस रातमा अल्लाह तआलाले जहन्नम बाट यती धेरै जहन्नमीलाई आजाद गर्नुहुन्छ जती "बनी कल्ब "को बाख्राहरु को कपाल छन् ।(सुनन तिरमिजी भाग २ पा १८३ हदिष ७३९)
(४) इस्लामी ओलमाहरुको जियारत गर्ने
(५) दुरुद पढ्ने
अल्लाहको नबि हजरत मुहम्मद सल्लल्लाहु अलैही वसल्लम को उत्तम आदेश रहेको छ," ए मानिसहरु ! निशन्देह कयामतको दिन त्यस्को प्रकोप र हिसाबकिताब बाट चाडै छुट्कारा पाउने ब्यक्ती त्यो हुनेछ जस्ले तिमीहरु मध्य म माथि संसारमा निरन्तरताका साथ धेरै दुरुद पढेको हुनेछ।"
(६) धेरै भन्दा धेरै कुरआनको तिलावत र जिक्र गर्ने
(७) नफल पढ्ने
• शबे बरातको राती १०० रकात नफल नमाज ४-४ अथवा २-२ रकअत गरेर पढ्नुस् र हरेक रकअतमा १०-१० पल्ट कुल हुवल्लाहु अहद सुरह पढ्नुस्
• शबे बरातको दुई रकअत नफल नमाज यसरी पढ्ने : हरेक रकअतमा शुरह फातिहा पछि १ पल्ट आयतुल कुर्सी र १५ पल्ट सुरह इख्लास(कुल हुवल्लाहु अहद) पढ्नुस् । दुई रकअत पछि १०० पल्ट दुरुद पढ्नुस
फाइदा : रोजिमा बरकत हुने, दुख कष्ट बाट छुटकारा पाउने, गुनाहहरु माफ हुनेछ ।
• शबे बरातको आठ रकअत नफल २-२ रकअत गरि यसरी पढ्ने : हरेक रकअतमा सुरह फातिहा पछि १ पल्ट शुरह कद्र र २५ पल्ट शुरह इख्लाद पढ्नुस्
फाइदा : दुआ कुबुल हुने र धेरै सवाउब पाउनेछ
• शबे बरातको ८ रकअत नफल २-२ गरेर यसरी पढ्ने : हरेक रकअतमा सुरह फातिहा पछि १० पल्ट शुरह इख्लास पढ्नुस्
नमाज पछि हजरत मुहम्मद सल्लल्लाहु अलैही वसल्लम, सैयदा फातिमा रदि अल्लाहु अन्हा र सम्पुर्ण सहाबा र औलियाको वसिला बाट दुआ गर्नुस् । अल्लाह तआला पूरा हजुरको सम्पुर्ण दुआ कुबुल गर्नु हुनेछ । इन्शा अल्लाह
